Ons Liefdesverhaal

Die pad na liefde is dikwels onvoorspelbaar, maar God se plan staan altyd vas. Vir Stefan en Scherise het dit alles begin met ‘n drukkie op ‘n Vrydagoggend in Laerskool Mikro se skoolsaal. Twee kinders wat nooit kon dink hulle gaan eendag man en vrou word nie.

Jare later het daardie vriendskap in die hoërskool stadig begin blom. In graad 10 het hulle stilletjies begin omgee vir mekaar. Toe kom matriek, en in Onrus het Stefan uiteindelik moed bymekaar geskraap en vir Scherise gevra om sy meisie te wees. Dit was die begin van ‘n storie wat God self geskryf het.

Op universiteit was daar eksamens, keuses, en nuwe drome. Hulle het elke stap saam gestap, van klas loop, tot byna elke restaurant in Stellenbosch verken. Hulle band het onskeibaar geraak.

Die jare het hulle geleer dat liefde geduld, geloof en lag verg. En op 29 April 2025 het Stefan besluit die tyd is nou. Vir die ouers was dit dalk ‘n bietjie van ‘n verrassing, maar in sy hart het hy al lank geweet.

Daardie dag het hy op een knie gegaan en die groot vraag gevra. Met trane en ‘n vol hart het Scherise "ja" gesê.

Op 29 April 2025 het Scherise, Stefan se verloofde geword, en die vrou van wie hy al jare gedroom het.

Nou stap hulle weer saam ‘n nuwe hoofstuk binne, een waar hulle voor God, familie en vriende hulle lewens en harte aan mekaar gaan verbind.